პროექტი „საქართველოს ჯავახეთის დაცული ტერიტორიების მენეჯმენტის გეგმის განახლება და შესაბამისი საოპერაციო გეგმის შემუშავება“ დასრულდა. 2020 წლის 15 სექტემბერს 12:00 საათზე პროექტის საჯარო განხილვა ონლაინ რეჟიმში გაიმართა დაცული ტერიტორიების სააგენტოს ორგანიზებით. პროექტი შემუშავდა ორგანიზაცია „გარემო და განვითარების“ ხელშეწყობით, გლობალური გარემოსდაცვითი ფონდის (GEF) და გაეროს განვითარების პროგრამის (UNDP) ერთობლივი პროექტის – „საქართველოს დაცული ტერიტორიების სისტემის ფინანსური მდგრადობის ხელშეწყობა“ ფარგლებში, კავკასიის ბუნების ფონდის (CNF) მხარდაჭერით, დაცული ტერიტორიების სააგენტოსა და ჯავახეთის დაცული ტერიტორიების ადმინისტრაციის მიერ, ასევე სხვა შესაბამისი დაინტერესებული მხარეების მონაწილეობით.